- Get link
- X
- Other Apps
طريق شرم الشيخ الجديد،،،، 4 ساعات فقط
الطريق ٣ حارات ذهاب و٣ حارات اياب وبعيد عن بعضهم مراعاة لاضاءة السيارات في الجهة المقابله.
الطريق معظمه مافيهوش منحنيات زي الطريق القديم وحتي المنحنيات اللي فيه تم مراعاتها جيدا لعدم التسبب في حوادث لاقدر الله.
الطريق عليه ٤ نقاط بها محطات رسوم لم تبدا بالعمل بالفعل ومحطة بنزين ونقطة اسعاف وكافتريات وطبعا اكيد هيكون فيه تمركزات امنيه لتأمين المسافرين.
محطات الرسوم هي مقابله لمدن طور سيناء وابورديس وأبو زنيمه ورأس سدر بس طبعا ماشوفناش المدن دي ولا مرينا من خلالها.
الطريق حر بمواصفات دوليه بمعني الكلمه واتوقع ان السرعه عليه لن تقل عن ١٢٠ كم/ساعه زي طريق القاهره الاسكندريه الصحراوي او القاهره العين السخنه هو محور ٣٠ يونيو الي دمياط وبورسعيد.
الطريق الجديد اختصر المسافه من شرم الشيخ الي القاهره الي ٤٥٢ كم فقط وطبعا ده يشمل ال ١١٠ كم السويس القاهره.
وبسرعة ١٢٠ كم/الساعه الطريق ياخد ساعتين وخمسون دقيقه.
صراحة: انا انجزت واخدته في ساعتين فقط 🙈🙈🙈
توضيح: انا تركيزي علي الطريق الجديد من شرم الشيخ الي النفق فقط وده اللي باتكلم عن اجتيازه ومابتكلمشي عن تفتيش النفق ولاطريق السويس القاهرة وطوله ٣٤٢ كم بدل ٤٠٦ كم.
الطريق القديم كان طوله ٥١٦ كم من شرم الشيخ للقاهره والطريق الجديد اختصر المسافه الي ٤٥٢ كم لانه طريق عدل مش لافف حول الجبال ومش بيمر بمدن (بيفتح البرجل للوصول للمدن) ولكنه خط مستقيم.
انا زودت صوره توضح الطريق القديم وطوله من جوجل Google Maps. الطريق الجديد لم يتم توقيعه بعد علي خرائط جوجل
المشاكل في الطريق القديم كانت مش بس انه حاره واحده ذهاب وحاره اياب ولكن كانت تكمن في انه بيمر بمدن علي الطريق وكمان منحنيات قويه وشديده في ابوزنيمه وابو رديس وبعد الطور وقبل شرم الشيخ والسرعه في هذه المناطق قد لا تتجاوز ال ٤٠ كم/ساعه لشدة وخطورة المنحنيات
Comments