شهر العسل في شرم الشيخ، اليك أفضل 4 أماكن يجب أن تزورهم

شهر العسل في شرم الشيخ، اليك أفضل 4 أماكن يجب أن تزورهم وأنت بتقضي أجمل وقت أنت وعروستك

أول والأهم بعد أن تنتهي من الفرح قد تقرر أن تقضي شهر العسل Honey Moon في شرم الشيخ كما يفعل الكثير الأن لما تتمتع به شرم الشيخ من مميزات كثيره مثل الشواطئ الكثيره والألعاب الماية والأستمتاع بالخروجات وقضاء أوقات كثيره مع شريك حياتك خاصة وأن شرم الشيخ من أفضل 20 مدينة جاذبة للسياحه

خليج نعمه الأشهر في شرم الشيخ

خليج نعمه من أجمل الأماكن لو بتخطط تخرج بالليل وحابب تقضي وقت سهره ممتع مع الأستمتاع بالمشي مع شريك حياتك خاصة هتجد هناك الكثير من الأماكن مثل الكافيهات ولو حابب تتصور وتحتفظ بأجمل ذكريات هتلاقي هناك I LOVE SHARM  لازم تتصور معاها، ولو حابب تتعشى وسط أكتر أماكن شرم تنوع هتلاقي هناك مطاعم كتير، ولو حابب تشتري هدايا هيكون من هناك أيضا لأن هتتفاجئ بأن تجد حولك الكثير من الأماكن التجارية اللي ممكن تشتري منها اللي أنت حابه ويكون ذكره جميله لأجمل فتره ممكن تفتكرها أنت وشريك حياتك.

فرشة أحلى قعده بدويه ممكن تلاقيها 

ولما تذهب للهضبه لازم تقعد في أجمل قعدة بدوية ممكن تشوفها في حياتك مكان أعلى من البحر بتشوف منه أجمل غروب مع شريك حياتك وتشرب شاي بدوي أصيل في براد الشاي مع عروستك أو شريك حياتك وأوعى تنسى تتصور هناك وخليني أفكرك أنك هتسمع أحلى موسيقى ليليه مع أجمل ضوء شمس وقت الغروب واللي هيروح بيك لأجمل وقت ممكن تفتكره في حياتك مع شريك حياتك وانت بتشوف فيو البحر 

السوق القديم وأشتري منه تذكار يفكرك بشرم الشيخ 

كتير أوي مننا بيحب يشتري هدايا لكن في السوق القديم ممكن تلاقي هدايا من كل مكان في مصر منها هدايا فرعونية أو أسلامية أو بدوية أصيله ياعني هتختار اللي أنت حابه وطبعا بأسعار مميزة بجد لأن الناس اللي بتشتغل هناك بجد بيحبوا شغلهم ونفسهم تمشي مبسوط وترجع تاني وأوعى تنسى تتصور هناك مع مسجد الصحابة 

رحلة لدهب وسط أجمل فيو على البحر وجوا البحر

طبعا دهب أيوا دهب لازم تشوفها هتحتاج يوم كامل عشان تقصيه هناك وسط أجمل شعب مرجانية وأحلى رحلة بالجمال وأنت مبسوط مع شريك حياتك ولازم تنزلوا البلو هول وده مكان ممتع للغطس وتعمل سنوركلينج وطبعا أوعى تنسى تتصور هناك وأتصور كتير لأن بجد دهب رحله مش هتتعوض وأنت راجع من دهب لازم تزور المدينة نفسها وتشتري منها زيوت وأعشاب وتتعرف على مدينة مصرية جميلة سكانها جمال بيحبوا كل اللي بيروحوا هناك

لو كنت زورت شرم الشيخ وتعرف أماكن مفضله كمان يلا عرفنا دلوقتي ،،،